Буряад ФМ радиогой зурхайн ном

Мартын 31 Һагба гарагтай, шэнын 18 түмэр hуудалтай, 8 сагаан мэнгэтэй, шара бар үдэр.

Түмэр hуудалтай энэ үдэрэй hайн зүгүүд: баруун урда, баруун, баруун хойто ба зүүн хойто. Тон энэ удэр харгыда гараха болбол, баруун урагшаа гэртэhээ гаража 3-4 алхаад, саашаа хэрэгээрээ ябахада болоно.

Мартын 31-эй Бар үдэрэй hайн сагууд: хулгана саг (23:40 – 01:40); үхэр саг (01:40 – 03:40); луу саг (07:40 – 09:40); могой саг (09:40 – 11:40); хонин саг (13:40 – 15:40); нохой саг (19:40 – 21:40). Эдэ сагуудта хэрэг, үйлэ бүтээхэдэ бүтэсэтэй, одо гарагай, газарай эзэдэй, мэнгэ ба hуудалай элдэб тодхорто абтагдахагүй гэжэ ном сударта онсологдоно.

Хулгана, үхэр, луу, нохой ба гахай жэлтэй хүнүүдтэ hайн. Энэ үдэр дуган субарга барихада, буян үйлэдэхэдэ, гурбан эрдэни тахихада, дасанда ба ламануудта үргэл хэхэдэ, айлшадаа урихада, түрэл гаралаа суглуулхада, хүрэнгэ табихада ба модон шоройн хэрэгүүдтэ һайн. Харгыда гарахада hайн, бүхы хэрэг бүтэхэ.

Харин могой ба морин жэлтэй хүнүүдтэ муу. Наһа бараһан хүүнэй хэрэг бүтээхэдэ муу.

Yhэ абахада муу, эд малын гарзатай.

Энэ үдэр хүнэй бэе ба малай бэедэ hүнэhэнэй оршохо байра: Бүһэтэй хүнэй – баруун гарай альганда, Эхэнэрэй – зүүн гарай альганда, Малай – дэлһэндэ, шубуунтан бүлэгэй – залаада. Энэ үдэр hүнэhэнэй оршожо байhан бэеын хуби ханажа, зүү табижа ба отолжо болохогүй – бэе муудаха, хүшэ алдагдаха ба үбшэн ерэхэдээ болохо.

Улаан-Yдэ хотын Дээдэ Онгостойн

"Жанчуб Допанхан" Дасанай Ехэ Унзад,

зурхайша Мадагаев Дондоп лама тайлбарилба.

8 (902 1) 61 37 85