Хоргодоо наадан
Чигчи. Амар мэндэнүүд, хүбүүд-басагадүүд, радиосонсогшод! Всем привет!!! Гүүглэй багша, здравствуйте, дорогой учитель! Сайн байн уу!
Гүүглэй. Мэндэ амар, Чигчи! Мэндэ амар, эрхим хүндэтэ радиосоносогшод, һургуулиин үхибүүд, сэсэрлигэй багашуул, дээдэ һургуулиин залуушуул, хүндэтэ эжы абанар, хүгшэд-пенсионернууд! Үглөөнэй, үдэрэй, оройн мэндэ танда хүргэнэбди, Чигчи бидэ хоёр!
Чигчи. Вот-вот-вот! Холодильник откроете, а мы уже оттуда вам привет передаем! Утюг включаете, а мы и там вещаем! Ложитесь на диван, а мы там вас встречаем! Үглөөшье, үдэршье, оройшье бидэ танда дүтэ, танай хажууда, тантай эндэшье-тэндэшье!
Гүүглэй. Слушайте нас везде! В дороге и дома! Мы с вами с хорошим настроением и пожеланием добра и счастья!
Чигчи. Гүүглэй багша, тантайгаа хоргодоон-моргодоон наадахамнай гү?
Гүүглэй. Прятки?
Чигчи. Прятки-мрятки. Хоргодоон-моргодоон!
Гүүглэй. Зай, наадая. Хаагуур-наагуур хоргодохо болонобибди? Эндэшье хоргодохо газар хомор лэ!
Чигчи. Хоргодохо газар олдохол байха. Би тооложо эхилхэм, та бушуухан хоргодогты!
Гүүглэй. Ай-ай-ай! Бай-бай, бү тооло! Не успею! Байз-байз, хайшаа, ямар нүхэ руу орожо хоргодохомни гээшэб?! Ай, бурхан зайлуул! Заа, нэгэ нүхэ оложорхибоб! Багтаха гээшэ гүб, ой-ёо-доо! Гэдэһэмни багтанагүйл! Зай, тооло! Би хоргодооб!
Чигчи. Кто не спрятался, я не виноват! Так-так-так! Ха-ха, тээ-тэрээхэн диванай саана тэрзэгэр гэдэһэн шагаажа харагдана. Багшаа, би таниие олооб! Гарагты тэрэ диванай ара талаһаа!
Гүүглэй. Зай, олдобоб даа, олдобоб! Би мүнөө тоолохом. Ши хоргодо!
Чигчи. Байгты, бү яарагты. Все! Я спрятался!
Гүүглэй.
Тэдэ юумэн
Эндэ тэндэ
Таража хэбтэг.
Харин бидэ
Хамта эндэ
Тааража эбтэй
Наадаа эхилэе,
Дамдаа гэлдэе.
Шамда – дамдаа!
Хайшаа хоргодошобо гээшэб Чигчиихэн? Шэгшын шэнээн жаал аад, тиимэшье амархан олдохошье үгы хаш! Хаанабши, хурабшын шэнээн бэетэй худалша хүбүүхэн?!
Чигчи. Хи-хи-хи! Би эндэ, телевизор доро!
Гүүглэй. Под телевизором? Хм! Соврал! Ну и где ты? Хэлыш! Дуугарыш!
Чигчи. Я тут сижу! Эндэ һуунаб! Комод дээр!
Гүүглэй. На комоде, говоришь! И тут тебя нет, врунишка-мальчишка!
Чигчи. Би эндэ хэбтэнэб! Я тут лежу!
Гүүглэй. Где лежишь? Хаана хэбтэнэбши?
Чигчи. Холодильник соо! На! Зай, холодильник нээжэ хараелши. Так, варенье, масло-тоһо, боово, мясо – хониной мяхан, тарган гээшэнь! Зөөхэй-сметана, колбаса-хиимэ! За колбасой, говоришь, спрятался! Опять обманул, врунишка-Чигчишка! Все, сдаюсь, выходи!
Чигчи. Я тут! Би эндэб!
Гүүглэй. Хаанабши, гарыш!
Чигчи. Я спрятался внутри утюга! Вот он я!
Гүүглэй. Утюг соо хоргодооб гэжэ гү! Одоол худалаар бү шали! Жаашье һаа утюг соо багтажа хоргодооб гэжэ дэмы худалаар юумэ шалижай байдаг хүбүүнш! Ахайгаараа зугаа-наада хэжэ байна гүш, барнаак!
Чигчи. Ха-ха-ха! Гүүглэй багша, би таниие зорёолногүйб! Та яагаад намайе олобогүй гээшэбта! Битнай танай ара талада зогсожо, таниигаа сула дахажа ябаалби!
Гүүглэй. Ай-хөөрхыш даа! Зай, яахаб, миний оошор! Ошожо нэгэ тээ хоргодожо туршахам! Ши тооложо бү яараарайш!
Чигчи. Я готов! Начинаю считать!
Гүүглэй. Бай-бай-бай! Хүлеэ, бү яарыш даа! Энэ шкаф гэжэ-э!!! Яаһаншье хабшуу шкаф гээшэбээ, бурхан багша, Арьяа-Баала! Зай, хоргодооб, кажется!
Чигчи.
Ташье таш,
Бишье биб.
Тэрэшье тэрэ,
Тэхэшье ямаан.
Тиибэ яабашье
Тоолоноб таанады:
Тос – тудааб.
Тоб – тодоо.
Тэс – тэхэ!
Ахай, кто не спрятался би виноват бэшэб!!!
Гүүглэй. Юун гэнэш?!
Чигчи. Хоргодоогүй һаатнай, би зэмэтэй бэшэб гэнэб!
Гүүглэй. А, дуулааб-дуулааб! Хоргодооб!
Чигчи. Хаана хоргодообта?
Гууглэй. Шкаф соо хоргодооб! Бэдэрээшье һаа, хэзээдэшье олохогүйш!
Чигчи. Юун гэнэт? Муу дуулдана! Хаана хумта? Ямар шкаф соо?!
Гүүглэй. Хэлэхэгүйб ямар шкаф соо!
Чигчи. Эндэ ори ганса шкаф тээ-тэрээхэн зогсожо-хүдэлжэ байна лэ. Энэ студи соо хуушаршаһан, үүдэгүй шкафһаа байха ондоо шкаф харагданагүй лэ!
Гүүглэй багшаа, танай гоё суконно ботинкынтнай шнурок тайлдашоод байна.
Гүүглэй. Тайлдашоо гү! Хаанаһаа мэдэээбши?
Чигчи. Моодно суконно ботинкатнай энэ шкафһаа бултайжа байна. Хүлтнай багтаагүй юм хаш!
Гүүглэй. Ай-хадаа гэжэ! Олдошобоб!
Чигчи. Тэхэ ородоор козел гү? Үргэн дороо һахалтай, бородатый козел гү?
Гүүглэй. Тэхэ буряадаар козёл. А үшөө уханаа гэжэ хэлэдэг.
Чигчи. Уханаа! Һахалтай тэхэ уханаа! Зай, багшаа, би хоргодохом! Тоологты!
Гүүглэй. Нэгэн, хоёр, гурба, дүрбэ, таба, арба, хорин нэгэн, гушан гурба!..
Та би,
Энэ тэрэ,
Тэмээ ямаан,
Тэргэ шарга,
Арга хурга,
Таба арба,
Яба гара!
Гэб гэнтэ
Тэб гээд
Түбэршөө!
Тэн тэрээн
Залд гээд
Тэрьелбэт!
Зай, бэдэрхээ ошобоб! Хаанабши, Чигчи?!! Ау! Я иду искать, хоргодоогүй һааш, зэмэтэй бэшэб! Я не виноват! Так-так-так! Хаана хүмши, Чигчихэй?! Абяашье гаранагүй лэ! Хон-жэн! Хогоосон юртэмсэ! Чигчи!!! Зай, сдаюсь! Эсээб, ядарааб, хүлни һалаа! Гара! Ши диилээш!
Чигчи. Ку-ку! Би эндэ байнаб!
Гүүглэй. Хаана байнабши, хүбүүхэн?!
Чигчи. Танай хармаан соо! Хи-хи-хи!
Гүүглэй. Ай-бурхан! Яажа багтаба гээшэбши энэ минии хахархай хооһон хармаан соо?!
Чигчи. Хүлөө жиигээд лэ багташооб! Хармаан соотнай сквозняк!
Гүүглэй. Сквозняк! Нээрээшье сквозняк! Хүндэ бү хэлээрэйш!
Чигчи. Не скажу! Рот на замке, багша!
Гүүглэй. Минии хахархай хармаан мэтэ хахархай аман бү болоорой!
Чигчи. Честное пионерское, хэндэшье хэлэхэгүйб!
Гүүглэй. Зай, договорились! Манай радиосонсогшод, таанадтайгаа удаан болонгүй уулзахабди! Һайн байгты, ажал хэрэгтээ амжалта туйлажа, ажа байдалдаа жаргал эдлэжэ ябагты! Баяртай, үхибүүд!
Чигчи. Уулзахабди, хүбүүд-басагад! Баяртай!
Гараhан дамжулганууд
Гараhан дамжулганууд