Тоо

Тоо

Чигчи.
Нэгэн, хоёр, гурба, дүрбэ, таба,
Хурганууд унтахаяа ороо,
Таба, дүрбэ, гурба, хоёр нэгэ,
Хурганууд бултадаа унташоо.
Мэндэ амар, хүбүүд-басагад! Гүүглэй Мэргэн багша, амар мэндэ-э!

Гүүглэй. Амар мэндэ-э, Чигчи! Амар мэндэ, эрхим хүндэтэ радиосоносогшод! Чигчи дүүмнай хургануудаа тооложо сүлөөгүй байна хаш!
Чигчи. Гүүглэй багша, Наран-Гэрэл дүүгээ буряадаараа тооложо һурганаб. Шагнагты даа, ахай!
Нэгэн, хоёр, гурба, дүрбэ, таба,
Хурганууд унтахаяа ороо,
Таба, дүрбэ, гурба, хоёр нэгэ,
Хурганууд бултадаа унташоо.
Багша, та ойлгобо гүт, хурганууд унтахаяа ороо?

Гүүглэй. Юун гэнэбши, хурганууд-пальцы, унтахаяа ороо гэхэдээ, спать ложатся, что ли?
Чигчи. Пальцы баю-баю, устали, спать хотят, нойронь хүрэжэ унтахань.
Гүүглэй. Спокойной ночи, пальчики! Амгалан нойрсоорой!
Чигчи. Спокойной ночи буряадаар амгалан нойрсоорой гэхэ гү?
Гүүглэй. Амгалан гэжэ үгэ спокойный болоно.
Чигчи. А-а-а, манай һургуулида Амгалан гэжэ нэртэй Амгаланууд дүүрэн бии! Амгалан Базарыч түүхын багша, Амгалан Ринчинэ минии одноклассник, гоёор зурадаг хүбүүн, үшөө Амгалан Жамбалдоржиев гэжэ бии, Амгалан Амгаланов, Амгалан Хулиганов юһэдэхи ангиин нэгэ кадр бии.
Гүүглэй. Хулиганов гэжэ фамилитай юм гү? Тиимэ фамилитай хүниие хэзээдэшье дуулаагүйб!
Чигчи. Амгалан Хуриганов так-то.
Гүүглэй. А Юундэ Хулиганов гэнэш тэрэ хүбүүе? Юундэ фамили-обогыень буруу хэлэнэбши?
Чигчи. Тэрэтнай муухай хулиган хүбүүн. Сула наншалдажа ябагша лэ, сула хүнтэй носолдожо, дайража ябадаг бандит. Үшөө газаашаа гараад туалетай арада тамхи татадаг. Нээрээ Хуриганов бэшэ, Хулиганов Амгалан бэеэрээ!
Гүүглэй. Зай болие даа, хүниие муушалжа байхаяа. Тамхи татаха гээшэ нээрээ муу зан. Шимнай тамхи татанагүй бэзэш, а? Ты только не закури!
Чигчи. Би гү!!! Никогда!! Багшаа! Одоо лэ болигты, багшаа! Шүдэ-амандаашье абажа үзээгүйб тэрэ тамхииетнай! Курить – здоровью вредить! Нам тухай тиимэ подозрени бү хэгты, багша!
Гүүглэй. Одоо лэ тамхи бү татаарайш! Зай, мүнөө тэрэ хургануудшни унтаһан зандаа гү? Һэрюулхэ саг ерээл!
Чигчи. Мүнөө хургануудни бодохоо байна! Наран-Гэрэл дүүмни сээжэлдээ юм мүнөөдэр.
Нэгэн, хоёр, гурба, дүрбэ, таба,
Хурганууд унтаанһаа һэреэ,
Зургаа, долоо, найма, юһэ, арба,
Хурганууд бултадаа бодоо.

Гүүглэй. Доброе утро, пальчики! Үглөөнэй мэндэ-э, хурганууд!
Чигчи. Үглөөнэй мэндэ-э, багшаа!
Гүүглэй.
Һайхан үглөөнэй амар мэндэ-э!
Нэгэн, хоёр, гурба,
Нэрэ шинии хэн бэ?

Чигчи.
Нэгэн, хоёр, гурба,
Нэрэ миний Чигчи!

Гүүглэй.
Дүрбэ, таба, зургаа, долоо,
Дүү шинии хэн бэ?

Чигчи.
Дүрбэ, таба, зургаа, долоо,
Дүү минии Наран-Гэрэл!

Гүүглэй.
Найма, юһэ, арба,
Наһан шинии хэды бэ?

Чигчи.
Найма, юһэ, арба,
Наһан минии арба!
Гүүглэй.
Хэн гээшэбши, хэлыш,
Хэды тоо мэдэхэбши?

Чигчи.
Чигчи хүбүүн гээшэлби,
Арбан тоо мэдэхэлби!
Хори – это двадцать, гуша – тридцать, дүшэ – сорок, таби – пятьдесят, жара – шестьдесят, дала – семьдесят, ная – восемьдесят, ерэ – девяноста, зуу – сто! Вообще-то я до тысячи умею считать! Вот! Дуулаагта!
Гүүглэй. Тысячи буряадаар юун гэдэг бэлэй?
Чигчи. Тысячи – мянга.
Гүүглэй. Тысячи сто тридцать шесть?
Чигчи. Нэгэ мянга…зуун…гушан зургаа!
Гүүглэй. Две тысячи двадцать второй год?
Чигчи. Хоёр мянга хорин хоёр он.
Гүүглэй. Тридцать первого июля 2021 года день рождения моей сестренки Наран-Гэрэл.
Чигчи. Хоёр мянган хорин нэгэн оной июль һарын гушан нэгэндэ минии дүү Наран-Гэрэл басаганай түрэһэн үдэр!
Гүүглэй. Зай, Чигчи, дүү басаганайнгаа бэрхэ аха байнаш! Молодес!
Чигчи. Ахай, а миллион буряадаар юун гэжэ хэлэхэб?
Гүүглэй. Миллион – сая!
Чигчи. Сая! Үхибүүд, хүбүүд-басагад, танда гурбан сая мэндэ хүргэнэб! Олон сая мүнгэтэй боложо һуугаарайт! Табан сая хони-хурьгатай болооройт! Долоон сая жаргалтай байгаарайт! Уулзахабди, баяртай!
Гүүглэй. Уулзатараа, хүндэтэ радио сонсогшод!