А-үзэг

«А» үзэг

Чигчи.
 Аа-аа-аа –
Аадар адхараа.
Аажам талаар
Шааян табараа.
Аа-аа-аа –
Аажам талаар
Аалин агаар
Анхилаа гангаар.
Ам-ам-ам –
Амтатай
А-а-а –
Апельсин!
Амар мэндэ, минии хайрата нүхэд, хүбүүд-басагад! Би мүнөө “А” үзэг үзэжэ, “А” үзэгтэй нэрэнүүдые, үгэнүүдые тооложо һуунаб. Гүүглэй багшаа, сайн байнуу та!
Гүүглэй. Амар сайн, Чигчи! “А” үзэгээр эхилдэг хэды үгэнүүдые тоолобош?
Чигчи. Үшөө тооложо эхилээгүйб.таниие хүлеэжэ байнаб. Та бидэ хоёр урилдае, хэмнай эгээ олон “А” үзэгээр эхитэй үгэнүүдые тооложорхихоб! Үзэхэмнай гү?
Гүүглэй. Зай, тооложо үзэе, хэмнай түүрүүлэгшэб!
Чигчи. А – аба! Папа!
Гүүглэй. Абаахай – паук.
Чигчи. Адуу – кони, лошади.
Гүүглэй. Альган – ладонь.
Чигчи. Арбин – жир.
Гүүглэй. Аргали – снежный баран.
Чигчи. Адис – благословение.
Гүүглэй. Алтан – золото.
Чигчи. Арба – десять.
Гүүглэй. Аадар – ливень.
Чигчи. Арбан нэгэ – одиннадцать.
Гүүглэй. Абдар – сундук.
Чигчи. Арбан хоёр – двенадцать.
Гүүглэй. Аарса, аарюул, айраг – кислый творог, сушеный творог, кумыс!
Чигчи. Арбан гурба – тринадцать.
Гүүглэй. Арбан дүрбэ!
Чигчи. Арбан таба!
Гүүглэй. Арбан зургаа!
Чигчи. Арбан долоо!
Гүүглэй. Арбан найма!
Чигчи. Арбан юһэ!
Гүүглэй. Арбан...арбан зуу!
Чигчи. Багшаа, та диилээт.
Гүүглэй. “Б” үзэгөөр урилдае!
Баа-баа-баа –
Баахан баарһан баабгай,
Баа-баа-баа –
Баабай баабгайгаа алдаа.
Чигчи. “Г” үзэг.
Га-га-га –
Галууд ганганалдаа.
Гарма газаа гараа,
Гараа үргэн даллаа.

Гүүглэй.
Га-га-га –
Галуун гэжэ бэшээд,
Га-га-га –
Гараа ошожо угаа.

Чигчи. Гарни муухай гү?
Гүүглэй. Гаршни сэбэр зандаа.
Чигчи. Ахай, “А” үзэгтөө бусая. “А” үзэгтэ буряад нэрэнүүдээ тоолое. Бурятские имена на “А”! “А” үзэг эхитэй буряад нэрэнүүд!
Гүүглэй. Арсалан.
Чигчи. Арсалан – лев, я знаю. Так, я продолжаю и побеждаю! Алдар – слава!
Гүүглэй. Амгалан – спокойствие!
Чигчи. Арюун – чистая!
Гүүглэй. Алима – яблоко!
Чигчи. Алтан-Гэрэл!
Гүүглэй. Алтан-Сэсэг!
Чигчи. Алтан-Туяа!
Гүүглэй. Алтан-Наран!
Чигчи. Алтан-Дэлхэй!
Гүүглэй. Тиимэ нэрэ байдаггүй!
Чигчи. Алтан-Ном!
Гүүглэй. Алтан-Гар!
Чигчи. Тиимэ нэрэ байдаггүй!
Гүүглэй. Ши хаанаһаа мэдээ юмши! Байдаг-байдаг! Үшөө Алтан-Шэхэн, Алтан-Тархи, Алтан-Нюдэн, Алтан-Хамар гэхэ мэтэ нэрэнүүд дүүрэн байдаг.
Чигчи. Би дуулаагүйб! Иимэ нэрэнүүд байдаггүй, багшаа! Та намда худалаар хэлэнэт! Би нюдөөртнай ойлгожо абааб!
Гүүглэй. Ши тиихэдээ өөрөө юундэ Алтан-Дэлхэй гэжэ байдаггүй нэрэ хэлэбэш?
Чигчи. Алтан-Дэлхэй гэжэ нэрэ нэгэ хаанабдаа дуулаа һэнби.
Гүүглэй. Одоол би иимэ нэрэ бии гэжэ дуулаагуйб, мэдэхэшьегуйб! Чигчи, шимни нээрээшье суута зохёолшон байнаш! Сказочник!
Чигчи. Үльгэршэн гэжэ гү?
Гүүглэй. Мүн. Тиимэ, үльгэршэн!
Чигчи. Алтан-Дэлхэй – гоё нэрэ байна! Алтан-Дэлхэй, Золотой Мир. Би томо болоод хүбүүндээ Алтан-Дэлхэй гэжэ нэрэ үгэхэб! Басагамни Алтан-Шагай гэжэ нэрэтэй болохо. А үшөө Алтан-Одон, Алтан-Мүшэн, Алтан-Огторгой, Алтан-Сансар, Алтан-Тэнгэри, Алтан-Басаган! Долоон алтан басагад, нэгэ алтан хүбүүн!
Гүүглэй. Долоон хүбүүтэй болоо һаашни дээрэ, Чигчи баатар! Зай, мечтать не вредно! Хоюулаа халуухан ногоон сайгаа уужа амарая даа!
Чигчи. Бурятский чай – средство от печали! Ногоон сай уужа байгты, хүбүүд-басагад! Уулзахабди, баяртай!
Гүүглэй. Баяртай, хүндэтэ радиосонсогшод!