Тоолуур. Гараа угаагты
Чигчи.
Шишье шиш,
Бишье биб.
Тэрэшье тэрэ,
Тэхэшье ямаан.
Тиибэ яабашье
Тоолоноб таанады:
Тос-тудааб.
Тоб-тодоош.
Тэс-тэхэш!
Сайн байн уу, хүндэтэ багшаа! Мэндэ амар, үхибүүд!
Гүүглэй. Сайн байн уу, эрхим хүндэтэ радиосонсогшод!
Аадай даадай
Байгаа найгаа.
Аадай даадай
Айгаа гүйгөө.
Аадай даадай
Гайгаа-гуйхаа.
Аадай даадай
Бай!
Чигчи. Байнаб!
Гүүглэй. Зогсо!
Чигчи. Зогсоноб!
Гүүглэй. Стой!
Чигчи. Стой ...байнаб!
Гүүглэй. Хайшаа зайбаш?
Чигчи. Һургуулидаа бэлдэнэб!
Гүүглэй. Бай!
Чигчи. Байнаб!
Гүүглэй. Хэшээл-наадаяа наадахамнай гү?
Чигчи. Наадая, багшаа!
Гүүглэй. Тала дайда ехэл.
Табан хушуун мал:
Морин, үхэр, тэмээн.
Хонин, үшөө ямаан.
Мүнөө хэн адуулхаб?!
Мэнэ тэрэ гара!
Чигчи. Би гарааб! Би адуулхаб!
Гүүглэй. Зай, хэн бэлэйш даа? Наран?..
Чигчи. Гэрэл! Наран-Гэрэл, минии дүү.
Гүүглэй. Бархирыш!
Чигчи. Плакать?
Гүүглэй. Да, плакать. Бархирыш!
Чигчи. А-а-а! А зачем она плачет?
Гүүглэй. Скучно ей! Гансаардажа бархирна. Наадахаяа һанана. Хэнтэй мүнөө наадахаба Наран-Гэрэл басаган, а?
Чигчи. А-а-а! Би наадахаяа һананаб! Хайшаа булта үгы болошоо юм ядахадаа?! Эжы, наадагты намтай!
Гүүглэй. Зай, басагамни, үглөөнэй долоон сагта бодобош.
Чигчи. Аяар в семь часов встала! Ямар эртэ намайе һэрюулнэбта!
Гүүглэй. Аһа, зай. Унтарияа заһаба гүш?
Чигчи. Кровать давно же я заправила! Еще позавчера!!! Дэр-дэр-дэр подушка, орон-кровать, хүнжэл-одеяло все заправила.
Гүүглэй. Үглөөнэйнгөө хоол баряа бэзэбди?
Чигчи. Завтрак все съела! Үглөөнэй хоол амтатай байгаа! Колбаса – хиимэ, сметана-зөөхэй сүсэгы, хлеб с маслом – талха хилээмэ тоһотой эдеэб. Баруун гартаа халбага, зүүн гартаа табаг барижа каша эдеэб, халуун сай уугааб! Скучно мне! А-а-а! Залхуутай мне!!!
Гүүглэй. Бү бархира, басагамни!
Чигчи. А-а-а!!! (ревет.)
Гүүглэй. Яатараа иимэ муухайгаар бархирна гээшэб энэ басаган! Үлдэшэһэн тугал шэнги!
Чигчи. А-а-а!
Гүүглэй. Бү бархира гэнэб! Хубсаяа һэлгэжэрхи даа, мухаа. Каша соогоо зууралдашоод һуунабши, хөөрхы!
Чигчи. Залхуумни хүрөөд байна! Скучно-то как! Гүүглэй Мэргэн багшаа, нэгэ һонирхолтой наада наадая!
Гүүглэй. Наадая! Шимни дүү басаган Наран-Гэрэл, бишни эжынь боложо наадаа һэмнайбди. Тэрэ наадаа саашань үргэжэлүүлэе.
Чигчи. Үгы, би дүү басаганайнгаа образ соо ороод наадажал байна ха юм биб! Скучно мне гэжэ янгалжай һууна ха юм биб! Нэгэ наада надая, эжы!
Гүүглэй. Наадаха гүш?
Чигчи. Наадаха.
Гүүглэй. Нээрээ гү?
Чигчи. Нээрээ!
Гүүглэй. Лаб гү?
Чигчи. Лаб!
Гүүглэй. Лаб һаань, холош. Зүб гү?
Чигчи. Зүб!
Гүүглэй. Зүб һаань – шонош!
Чигчи. Э-э, би шоно гэжэ гү?
Гүүглэй. Энэ мүнөө тоолуур наадаабди.
Чигчи. Тоолуур?
Гүүглэй. Тиимэ даа, тоолуур. Эхинһээнь тооложо ороё. Зай, наадаха гүш?
Чигчи. Наадаха.
Гүүглэй. Нээрээ гү?
Чигчи. Нээрээ!
Гүүглэй. Лаб гү?
Чигчи. Лаб!
Гүүглэй. Лаб һаань, холош. Зүб гү?
Чигчи. Зүб!
Гүүглэй. Зүб һаань – шонош! Зай, бишыхан басагахан, гарнуудаа ошожо угаая.
Чигчи. Я же помыла руки, эжы!
Гүүглэй. Руки после еды надо обязательно помыть. Видишь, пальцы и лицо в каше и варенье! Гаршни гэжэ-э, нюуршни гэжэ-э! Каша эндэш, тэндэш, хасар дээрэшни, хамар дээрэшни! Зууралдажа, бабана шэнги болошоод байнаш!
Чигчи. Какой еще бабана?!
Гүүглэй. Козлёнок Бабана!
Чигчи. Пойду, помоюсь! Нюур-гараа ошожо угаахамни! Пальчики мои пальчики! Барбаадушки, батантулайшки мои! Тоохонтобшушки милые мои!
Гүүглэй.
Аха заха – Барбаадай,
Доро дүү – Долёобор,
Дам дүү – Дундай,
Хэды дүү – Нэрэгүйтэ,
Эгээ дүү – Шэгшүүдэй.
Чигчи.
Нэрэгүйтэ – Баханхай,
Дам аха – Дундахай,
Дам дамхай – Долёоборхой,
Аха заха – Барбаадай.
Одхон би Шэгшүүдэй!
Халуухан уһаар гараа угаагааб! Багшаа, мыло как по-бурятски?
Гүүглэй. Мыло буряадаараа саван.
Чигчи. Аһаа, би саван гартаа барижа, гар соогоо мухарюулжа-эрьюулжэ, хамараа угаабаб, хасараа угаабаб, шэхэеэ угаабаб, халуухан уһаар зайлабаб, сэбэрлэбэб, гоё сэбэрхэн нюуртай болобоб! Дүүрээ!
Гүүглэй. Замечательно! Молодчина, девочка!
Чигчи. Би девочка бэшэб, би мальчик Чигчи! Гүүглэй багша иигээд лэ мүнөөдэрэйнгөө хэшээл-наадан дүргэе даа.
Гүүглэй. Дүүргэе! Хүбүүд-басагад, радио-сонсогшод, амарагты! Уулзахабди! Баяртай!
Чигчи. Баяртай, үхибүүд! Үдэртөө нэгэшье һаа нюур гараа угаажа байгыт даа, хүбүүд!
Гараhан дамжулганууд
Гараhан дамжулганууд